حصرا عالوقت كيف صار
صعيب *** كلشي تغير وتبدلت حوالــــــوا
صدق لي
قال هاذ الزمـان عجـيب *** مع الوقت تبين وصدقت قوالوا
ماقـعد
لا صاحـب ولا قعـد حـبيـب ***
كل
واحد راه لاتي غير بحوالوا
هذا لاتي
يلايـم ويجـمع في الجـيب *** غواوه الدراهـم وشغلـولو بالــوا
تبـع
الدنيــا وراسـو كـلاه الشـــيب *** ومازالو يجري موراها بهبالوا
مـاخـلى
بـراني مـاخـلى أهــــــــلو *** قاطـع الرحـم ورابـح العيــــب
مـاخـلى
الصاحب متاخلى لغريـب *** مـاخـلى
عمـو مـاخـلى خـالــوا
مـاخلى
واحـد بعــيد ولا قـريــــب ***
وفي هاذ الدنيا واحـد مابقالـوا
كمـل
بـوالـديه ولا كيـف لغـريـــب *** ونكـر كل ماعمـلو في جالــوا
عوض
يعـاملهم بالـرحمة والطيـب *** خلاهم في دار العجزة ينشالوا
ونسـى
بلـي النفـس عليـها رقيــب ***
وربي سبحانـو شـي مايخفالـوا
وياك كـلام الناس ساعات يصيـب ***
اسمع يا الفاهم بكري واش قالوا
اللـحم
لما يفـوح مارايـح يصيـــب *** مـن
غيـر امـاليـه الـي تحملوا
والجـار وصى عليـه نبينا الحبيـب ***
صلى الله عليه وسلم على آلوا
لمـا كـان هــداك اليـهودي يجيــب ***
النفـايات عند بابـو يحطهـالـوا
والنبـي
طـل قـال واش صرالـوا؟ *** وحد النهار كتبلو ربي باه يغيب
رفد عرجون تمر ودعاه بالترغيب ***
نشاالله راك بخير ومابيك والوا
أما دركا الراجل أمروعاد صعيب *** قلبو راهو مات والنيف مابقالوا
كـي ولات مـرتو تشـقى وتجيــب ***
اوهو فالدار رجلأو على رجلوا
مـايحس ما يغار ما عنـدو تأنيـب ***
اوبالنسبة لو راهي تمشات شغالوا
وكاين الي عاد ينال مكل نصيب ***
مايهموش ذاك المال منين جالوا
المهم غير ياكل الخبـز والحليـب ***
حلال ولا حرام والله ماعلابالوا
وكاين الي عاد على الناس خطيب ***
يـدعـيهـم و يـفتـيــهم بـقـوالــــوا
وهو في ذاتو ياكل غير مالريب ***
ويحـارب في الله وفي رسولـــوا
واش راح نقول الوقت راه قريب ***
وكـل واحـد يــندم على فعـالــــوا
ياويـح ذاك العبـد الي فيـه يخيـب *** ظــن الله نـــهار يـوقـف قـبـالــوا
تأليف: بن عبد الله محمد لزهاري
الرئيسية 
اليومية
